Madhumuni makubwa ya kozi hii ni kuwapatia vijana wanaofanya biashara ndogondogo uwezo wa kujenga stadi katika ujasiriamali na kuongeza kipato.
YALIYOMO
1. Kuunda Vikundi
VIKUNDI  ni  muungano wa watu wenye nia moja wakiwa na dhamira madhubuti kuweza kukabiliana na changamoto zinazo wakabili. Changamoto hizo zinaweza kuwa za kiuchumi, kiutamaduni na kijamii. Muundo mzuri wa vikundi.

2. Andiko la Biashara

Mpango wa biashara ni kauli rasmi ya seti ya malengo ya biashara na mpango kwa ajili ya kufikia malengo hayo.Andiko hili la biashara huonyesha pia fursa zilizopo, rasilimali na jinsi vitakavyotumika ,mpangilio mzima wa kutekeleza biashara ikiwa ni pamoja na uongozi na usimamizi  wa biashara kwa hapo baadaye kwa upande wa kitaasisi na kifedha.

3. Masoko
Soko ni utaratibu au mtindo  uliowekwa kwa mujibu wa kanuni /sheria  kumwezesha mfanya biashara kuuza bidhaa zake kwa wateja/walaji, na Masoko ni shughuli yoyote ile anayofanya mfanyabiashara ili kuimarisha biashara yake. Kozi hii itakusaidia kufikiri ki- masoko na kuelewa mbinu za masoko, utafiti wa soko.

4. Ujasiriamali Neno ujasiriamali linatokana na maneno mawili ambayo ni UJASIRI na MALI hivyo maana ya ujasiriamali ni kuwa na  i) Ujasiri au mshawasha wa kuwa na mali.

5. Biashara Biashara ni pamoja na hali ya kununua na kuuza, kuzalisha mali na kuuza utaalam. Wito na makubaliano ya kipekee yenye lengo la kibiashara kwa nia ya kupata faida. Kulingana na sera ya taifa ya biashara ya mwaka 2003 mgawanyo wa biashara kwa wajasiamali ni kama ifuatavyo:

5.1 UAMUZI WA KUFANYA BIASHARA
Unategemea Sana: _

• Upatikaji wa malighafi
• Soko la bidhaa na matakwa ya wateja
• Gharama za uendeshaji wa biashara
• Biashara inahitaji ubia au peke yako
• Taratibu za usajiri

5.2. MBINU ZA BIASHARA

• Ni bidhaa ipi unataka kuuza
• Ni wateja wa aina gani unaowalenga
• Unajitofautishaje na washindani wako
• Ubora wa bidhaa yako
• Mjali mteja (kumbuka kuwa mteja ndio mwanzo na mwisho wa biashara yako)

BIASHARA YA KUTOA HUDUMA KATIKA JAMII
Aina hii ya biashara inafanywa na watu wachache sana,na ambao wepesi kuangalia fursa katika jamii wanayoishi.Biashara ya kutoa huduma katika jamii unakuwa umeisaidia jamii kupata kitu ambacho kilikuwa adimu katika eneo hilo na pia wewe unapata faida kupitia huduma unayoitoa,mfano wa biashara hii ni kuchimba kisima,kuanzisha taasisi ambayo itakuwa inasaidia Vijana,walemavu wa viungo,kusafisha mitaro n.k.
5.3. MATUMIZI YA FEDHA ZA BIASHARA
Hakikisha unatumia chanzo cha mapato Kwa matumizi ya mpango uliokusudia tu si kwa vinginevyo (zitumike kwa ajili ya biashara tu)
Matumizi ya fedha biashara

• Mshahara
• Kodi ya sehemu ya biashara
• Matangazo
• Mafunzo
• Kulipa madeni ya biashara na riba
• Kodi
• Leseni ya biashara
• Akiba
• Ununuzi wa mali ghafi na vitendea kazi

5.4. BIASHARA NA FAMILIA
Wafanyabiashara wengi hawatofautishi kati ya matumizi mtu binafsi na matumizi ya biahara hivyo kusababisha biashara kufa au kutoendelea.

Kiutendaji mfanyabiashara anakuwa ameshika vikapu viwilivilivyo na fedha ya biashara naya familia.kimsingi hautakiwi kuchanganya vikapu hivi. Mfanyabiashara lazima ajilipe mshahara.

Matumizi ya fedha katika familia/binafsi

• Chakula
• Matibabu
• Elimu
• Nyumba
• Usafiri
• Akiba
• Mikopo na misaada kwa rafiki/ndugu
• Kulipa madeni binafsi
• Tahadhali

5. 5. UHUSIANO KATI YA BIASHARA NA JUMUIYA
a)      Dola
b)      Mteja/wateja
c)      Benki
d)     Wafanyakazi/vibarua
e)      Msambazaji/muuzaji malighafi
5.6. SABABU ZA BIASHARA KUFA
a)      Kukosamtaji wa kutosha kuendesha biashara
b)      Kukosa uelewa wa biashara
c)      Udhaifu wa uongozi
d)     Kuweka biashara sehemu isiyofaa
e)      Ushindani mkali
f)       Sheria
g)      Majanga na maafa
h)      Taratibu mbaya
i)        Kukosa dhana ya kumjali mteja
j)        Kutotambua fursa
k)      Kuwa tegemezi

5.7.JINSIA NA BIASHARA
1. Jinsia ni nini?
Jinsia ni mwingiliano/ mahusiano ya kijamii katika jumuia, kiuchumi, kiutamaduni n.k
2.Madhumuni

• Kutambua nafasi na umuhimu wa kila jinsi katika biashara
• jinsia ya kike inavyoweza kuathirika zaidi katika  biashara ukilinganisha na ile ya kiume
• kuwaasa wanawake wasikate tamaa kwa kutendewa tofauti na wanaume katika biashara na jinsi ya kukabiliana na vitisho

Matatizo yanayoathiri wanawake katika biashara
a)      mume hataki mkewe afanye  biashara
b)      jamii kuwa na mtazamo mbaya inapotokea wanawake kutaka kuingia ubia na wafanya biashara wanaume
c)      kukataliwa kuingia mikataba yoyote kama mikopo n.k bila kibali cha mumewe
d)     wazazi wa ndugu wa mwanaume kuingilia maisha ,( inakuwa mbaya zaidi wanapokuwa hawamkubali mwanamke huyo katika ukoo wao)
e)      kazi za nyumbani zifanywe na mwamke  pekee bila ksidiwa na mumewe.
4.Ninini kifanyike ilikuleta mabadiliko ya usawa wa kijinsia

a)      kuhimiza jamii kwamba kila mmoja anao uwezo wa kufanya kazi ya maana anapowekwa kwenye mazingira yanayomwezesha
b)      kutoa elimu kwa jamii  kuachana na mila na mtazamo potofu kuhusu jamii ya kike
c)      kuhamasisha jamii ya kike ielewe kwamba inapaswa kuwa na mipangilio ya maisha bila kutegemea mawazo kutoka nje
d)      wanawake wakuze kujiamini na kujituma

6. Mtaji
Hapa tunajumuisha aina zote za uzalishaji ambazo zinaweza kutumika katika ubunifu unaoweza kuongeza thamani katika bihaa au huduma inayotolewa .Yaani njia ya kukufikisha au haki uliyo nayo juu ya aina ya mtaji utakayoitumia kutengeneza/kuzalisha faida. Hizi zinaweza kuwa kigezo cha ofisi, zana, fedha.

7. Haki Miliki/Hataza
Haki miliki ni haki ya umiliki wa jumla inayotolewa na serikali kwa ugunduzi au kwa umiliki kwa kipindi maalumu. Kwa kawaida ni kipindi cha miaka 20 tangu umiliki ukabidhiwe kwa muhusika. Ni muhimu kama mjasiriamali kuwa na umiliki wa biashara yako. 

8. Kupanga gharama na Bei
Pata uelewa na kupanga gharama mbalimbali katika biashara zako (gharama za moja kwa moja na gharama zisizo za moja kwa moja) na kuelewa jinsi ya kupanga bei ya bidhaa yako ili kupata faida na biashara yako kuendelea kukua.

Katika hili hakuna kanuni imara sana, wala hakuna namna moja tu bora ya kupanga bei, ila viko viashiria mbalimbali ambavyo vinaweza kusaidia. Ni suala tu la kugundua bei ipi inayofaa kwa kuzingatia kwa uangalifu vigezo mbalimbali.

Kupanga bei ni suala muhimu sana katika maamuzi ya masuala ya masoko. Bei unayotoza kwa bidhaa/ huduma yako inaathiri moja kwa moja faida (au hasara) utakayopata.
Pamoja na umuhimu wote huo wa kupanga bei kwa umakini, uko ushahidi kuwa wajasiriamali wengi hawatilii mkazo suala la upangaji wa bei. Matatizo yanayotokana na kutokuwa makini katika kupanga bei ni kuwa na faida ndogo katika baadhi ya bidhaa, hasara katika uuzaji wa bidhaa hizo kutokana na kuongezeka kwa gharama, na kushindwa kupanga bei upya. Mbaya zaidi, upangaji bei usio makini unaweza kutofautisha kati ya kupata faida au kupata hasara.
Mambo ambayo yanaathiri bei zako yanaweza kugawanywa katika makundi manne yafuatayo:
• Gharama zako
• Mkakati wako wa masoko
• Udhibiti wa bei
• Hali ya soko
Ni dhahiri kuwa bei utakayopanga itapaswa kufidia gharama zote za kuendesha biashara yako.
Kufahamu gharama zako
Gharama za kuendesha biashara zinaathiri kwa kiwango kikubwa bei utakayotoza kwa hiyo bidhaa. Ikiwa utaweza kufahamu gharama zote zilizotumika katika kuzalisha bidhaa hiyo, utakuwa kwenye nafasi nzuri sana ya kutoza bei yenye uhalisia. Hata hivyo, si jambo rahisi sana kukokotoa kwa usahihi kiasi cha gharama za bidhaa iliyozalishwa.
Ni rahisi kufahamu kiasi cha malighafi iliyotumika na gharama yake, au gharama uliyonunulia bidhaa unayouza, lakini bado linabaki suala la gharama nyinginezo. Gharama kama vile za mishahara ya wafanyakazi, Kodi ya jengo, Umeme, maji na nyinhgine nyingi lazima kuzingatia wakati wa kupanga bei.
Aina za gharama
Ili kuweza kuweka makadirio ya gharama katika hatua mbalimbali za uzalishaji tunahitaji kuelewa tabia za gharama mbalimbali kuendana na kiwango/ kiasi cha uendeshaji biashara. Kuwa iwapo biashara itakuwa kubwa gharama hizo zitaongezeka, zitapungua, au hazitabadilika. Kwa kuzingatia tabia ya gharama kuendana na kiwango cha biashara, tuna gharama zisizobadilika na gharama zinazobadilika.
Gharama zisizobadilika: hizi ni zile ambazo hazibadiliki hata kama mjasiriamali atazalisha bidhaa nyingi kwa pamoja. Gharama hizi ni lazima zilipwe kwa kiwango kile kile bila kuzingatia mabadiliko yoyote katika kiwango/idadi cha uzalishaji, yaani hamna tofauti ya gharama hizi katika kuzalisha bidhaa moja au kuzalisha bidhaa 1000.
Mifano ni kama Kodi (pango), uchakavu, riba, na bima
Gharama zinazobadilika kutegemeana na kiwango cha uzalishaji/mauzo. Hizi ni zile ambazo ukiongeza uzalishaji kufikia idadi ya vitu 1000 na gharama za uzalishaji zitaongezeka kuwa mara mbili ya ulizotumia wakati ukitengeneza vitu 500.
Mifano ni kama bei ya manunuzi, gharama za malighafi na ujira wa wafanyakazi walioko katika uzalishaji.
Kuzitambua gharama
Hatua ya kwanza katika kukokotoa gharama ni kutambua aina za gharama mbalimbali zilizochangia katika uzalishaji wa bidhaa , au bidhaa iliyouzwa, au huduma iliyotolewa. Ili ufanye hivyo, ni vema kuainisha gharama katika gharama za moja kwa moja na gharama zisizo za moja kwa moja

Gharama za moja kwa moja ni gharama ambazo ni rahisi kufuatiliwa kuona mchango wake katika bidhaa au shughuli fulani. Mifano ni kama bei ya kununulia bidhaa, gharama za vibarua, gharama za malighafi. Mara nyingi gharama hizi hubadilika kadri ya kiwango/kiasi cha uzalishaji, mauzo, au huduma zinazotolewa. Gharama za moja kwa moja zimegawanyika katika gharama moja kwa moja za malighafi na gharama moja kwa moja za ujira.
Gharama zisizo za moja kwa moja Hizi ni gharama ambazo haiwezekani kufuatilia na kujua mchango wake moja kwa moja katika uzalishaji wa bidhaa fulani.
Mifano ni pamoja na gharama za kifedha, matangazo, utawala.
Gharama zisizo za moja kwa moja haziwezi kuonekana/ kuhusishwa moja kwa moja na bidhaa inayozalishwa au kuuzwa, au huduma inayotolewa. Mara nyingi hazibadiliki kuendana na kiwango cha uzalishaji/ mauzo. Badala yake, kiasi cha gharama hizi huwa kile kile kwa kila kipindi husika. Gharama hizi zimegawanyika katika gharama za mauzo, za kifedha, na za kiutawala.
Baadhi ya mifano ya gharama zisizo za moja kwa moja kwa biashara ndogo ni kama:
• Kodi (pango)
• Mishahara
• Riba
• Gharama za matumizi mbalimbali ya ofisi

9. Kuweka Kumbukumbu
Ni muhimu kuweka kumbukumbu ya biashara zako ili kukusaidia kutambua mwelekeo wa biashara yako. Pia inakusaidia kuweza kusaidika na wafanyabiashara wengine kama taasisi za kifedha. Muundo mzuri wa kuweka kumbukumbu zako ni kama huu .

Namna za kutunza kumbukumbu za kifedha

Kumbukumbu za kifedha zinaweza kutunzwa katika mfumo wa kuandika kwa mikono katika vitabu vya fedha, au kutumia mfumo wa kompyuta ambapo unaweza kutumia mojawapo ya programu za kihasibu za kompyuta.

Namba mbili kuu za utunzaji wa kumbukumbu za fedha ni:

• Kurekodi kwa kuzingatia miamala ya fedha taslimu tu
• Kurekodi kwa kuzingatia msingi wa muamala, hata ikiwa ni deni

Mfumo wa kurekodi fedha taslimu tu

Hii ni namna rahisi sana ya kutunza kumbukumbu za kifedha na haihitaji ujuzi wa juu katika utunzaji wa mahesabu. Sifa zake ni:

1. i) Malipo yanaandikwa kwenye jedwali la fedha taslimu mara yanapofanyika, kadhalika makusanyo pia yanaandikwa katika jedwali hilo mara yanapotokea.
2. ii) Mfumo huu haujishughulishi na malipo yaliyofanyika kwakati uliopita, au kiasi cha malipo ambayo bado yanadaiwa.

iii) Mfumo huu hauweki moja kwa moja kumbukumbu za madeni au mali za biashara

1. iv) Mfumo huu hautunzi kumbukumbu za miamala isiyohusisha fedha taslimu moja kwa moja, mfano Uchakavu wa mitambo. .

Mfumo wa kutambua madeni katika kuweka kumbukumbu

Huu ni mfumo rasmi wa kihasibu unaoweka kumbukumbu kwa kutambua na kuandika pande mbili za kila muamala unaofanyika, ambazo zinahusisha kutoa na kupokea.

Pande mbili za jedwali hutumika, yaani upande wa kushoto na upande wa kulia. Mfumo huu ni wa kisasa na unahitaji ujuzi wa kanuni za kihasibu.

1. i) Matumizi/ gharama huandikwa kwenye kitabu kikuu cha mahesabu pale biashara inapoingia gharama hizo, na sio kusubiria hadi zitakapolipwa. Hali kadhalika, mapato hutambulika na kuingizwa kwenye vitabu pale biashara inapoyapata, na sio kusubiria hadi fedha hizo zikusanywe.
2. ii) Mfumi huu unajishughulisha na aina zote za miamala.

iii) Mfumo huu hupelekea kuwa na taarifa sahihi ya mali na madeni ya biashara.

Kumbukumbu katika mfumo huu huwa na jedwali la mapato na matumizi, ambalo hujumuisha mapato na matumizi yote yaliyofanyika kwa kipindi fulani, pamoja na taarifa ya hali ya kifedha ambayo huonesha, licha ya mambo mengine, madeni inayodai na kudaiwa biashara katika siku ya mwisho ya kipindi hicho.

Mifano ya nyaraka muhimu zinazotunzwa ni:

• Jedwali la fedha taslimu/ zilizoko benki
• Vocha (Makusanyo, Malipo na kitabu cha kumbukumbu)
• Rajisi ya malipo ya awali
• Taarifa ya benki/ uoanisho wa taarifa ya benki na taarifa ya fedha taslimu

 

Na Said Michael 

Shule  za Msingi na Sekondari zinaweza kuwa elimu ya gharama kubwa katika baadhi ya nchi hapa chini, ni baadhi ya Shule zilozopo Tanzania ambazo hutoza gharama kubwa za ada kwa mwaka ikiwa ni ya ada ya masomo.

10. Morogoro International School (MIS)
Katika Shule ya MIS ada yake kwa mwanafunzi ni kati ya Sh 4.4 Milioni  kwa shule ya Chekechea na Sh 17 milioni kwa elimu ya  Sekondari. Shule hii ni ya gharama kubwa zaidi katika eneo la mkoa wa Morogoro. Shule inatumia mtaala wa Cambridge.

9. International School of Moshi (ISM)
ISM ni shule ghali zaidi katika eneo la Moshi. Ada ya kila mwanafunzi kwa mwaka ni kati ya Sh 14.5 Milionkwa elimu ya msingi na Sh 17.2 Milioni  kwa elimu ya Sekondari. Shule inatumia mtaala wa IB.

8. Aga Khan Shule ya Msingi na Sekondari
Aga Khan ipo nafasi ya nane kwa Shule za gharama kubwa Tanzania. Ipo katika eneo la Dar es salaam. Mwanafunzi wa ngazi ya msingi,  kila mwaka ada ni  kati ya Sh 7.2 Milioni na Sh 20.4 Milioni kwa ngazi ya sekondari. Aga Khan inatumia mtaala wa IB.

7. Hope of Peace Academy (HOPAC)
Hopac ni Shule ya kikristo ya Kimataifa inayopatikana Dar es salaam, na kila mwaka ada ya shule ya msingi huanzia Sh 15.5 Milioni hadi kufikia Sh 21.Milioni kwa ngazi ya Sekondari. HOPAC inatumia mtaala wa Cambridge.

6. Kennedy House Schools
KHS ni kundi la shule zilizopo sehemu mbalimbali duniani kote. Tanzania wana shule yao inayopatikana Arusha ambapo hutoa elimu kwa ngazi ya Awali na Msingi. Ada zao ni kati ya Sh 7.8 Milioni kwa elimu ya awali(pre-primary) hadi kufikia Sh 22.4 Milioni kwa elimu ya Msingi. Inatumia mtaala wa Cambridge.

5. St Constantine International School
St Constantine ni shule ya Kimataifa ya bweni na kutwa. Ni ya pili kwa shule za gharama kubwa kwa mkoa wa Arusha. Kila mwaka ada ya elimu ya msingi ni kuanzia Sh 7.5Milioni  na Sh 22.8Milioni kwa ngazi ya Sekondari. Inatumia mtaala wa Cambridge.

4. Iringa International School (IIS)
IIS ni shule ya gharama kubwa zaidi katika Shule zote za mkoa wa Iringa. Imepitisha na kufundisha mitaala miwili ya IB na Cambridge . Ili kupata elimu yao ya msingi kila mwaka utatozwa ada ya kati ya Sh16.7 Milioni na kutoa Sh 27.4Milioni kwa elimu ya Sekondari.

3. Dar es Salaam International Academy (DIA)
DIA ni ya tatu yenye gharama kubwa kwa Shule zilizopo nchini Tanzania. Ipo katika eneo la Dar es Salaam na hutoa elimu yake kupitia mtaala wa IB. Ada yake ya kila mwaka ni kati ya Sh 24.3 milioni na elimu ya sekondari utaipata kwa Sh40 milioni.

2. Braeburn International School
Braeburn ni shule ya kimataifa ya kutwa na bweni. Hutoa elimu kupitia mtaala wa IB. Inapatikana mkoa wa Arusha na Dar es Salaam. Kupata elimu yake ya msingi, kila mwaka utatozwa ada ya kati ya Sh 20.3 Milioni na utalazimika kulipa Sh 42.6 Milioni kwa elimu ya Sekondari.

1. Interntional School of Tanganyika (IST)
IST ndiyo shule inayotoza gharama zaidi kuliko shule zote nchini Tanzania. Inapatikana katika mkoa wa Dar es Salaam na hutumia mtaala wa IB. Ili kupata elimu yake ya msingi, kila mwaka itakubidi ulipe ada inayofikia Sh 33.3Milioni na Sh 65.5Milioni ikiwa ni ada kwa elimu ya Sekondari.

UGOMVI KATI YA MSEMAJI WA SIMBA HAJI MANARA NA MCHAMBUZI WA CLOUDS FM SHAFII DAUDA UMEFIKIA HATUA NYINGINE MARA BAADA YA KUANZA KURUSHIANA VIJEMBE MITANDAONI HUKU KILA MMOJA AKIMSHUTUMU MWINGINE

Source:thechoice

>>>>>>Bofya Hapa Kuangalia Matokeo Ya KIDATO CHA PILIhttps://online.necta.go.tz/ftna/ftna.htm

>>>>>>Bofya Hapa Kuangalia Matokeo Ya DARASA LA NNEhttps://online.necta.go.tz/sfna/sfna.htm

Malikia wa Hip-Hop Soul Mary J Blige anategemea kupata hesima yake kwa kuwekwa kwa nyota yenye jina lake kwenye Hollywood Walk of Fame nchini Marekani.

P Diddy aliyefanya kazi na Mary J Blige wakati anatoka kama msanii miaka ya tisini atahudhuria tukio hili mnamo Jan 11.

Mtayarishaji wa sherehe za Hollywood Walk of Fame amesema  Mary J. Blige ni msanii maarufu sana kwenye kizazi chetu, mashabiki watafurahi kuona nyota yake kwenye eneo hili la kusheherekea mafanikio ya wasanii.

Serikali imetangaza kumfungia miezi 6 Msanii wa filamu na muziki, Suzan Michael maarufu Pretty Kind kwa kuweka picha za utupu katika mitandao ya kijamii
–
Msanii Gigy Money atakiwa kufika Ofisini kwa Naibu Waziri wa Habari baada ya kukaidi ujumbe aliotumiwa
–
Pia Mwanadada Jane Rimoy maarufu kwa jina la Sanchi ametakiwa kufika ofisini kwa Naibu Waziri huyo mara moja kutokana na kuchapisha mitandaoni picha zisizo na maadili

Source:the choice

Kuna storry juu ya wimbo wa kibamia kupigwa marufuku na basata kutokana na maudhui ya wimbo wenyewe kuwa na maneno makali

Mbinu 7 za Kujihami na Kupambana na Majaribu 

Mjaribu atakushambulia, kama anavyowashambulia maadui zake wengine. Anakujia kwa vitisho au hongo. Akikuijia kwa vitisho anakuungurumia kama simba ili kwa hofu utupe “ngao ya imani” (Efe 6:16) yako chini na akumalize. Akikuingia kwa rushwa, anakuimbia mashairi ya uongo kama nyoka wa bustanini Edeni, ili ulegeze “ukanda wa kweli kiunoni” (6:14) na apande juu yako  kumalizia. Nikwambie, unapambana na adui mwenye uzoefu na mbinu. Unaweza kumshinda tu kwa uwezo wa Mikaeli asimamae upande wa watu wake huku ukitumia mbinu anazowapatia askari wake. Kwa vinywa vya manabii na mitume, Bwana wa majeshi amefunua mbinu za kumshinda adui wa roho za watu.

1.   Kesha ukitambua udhaifu wako 

Kesheni, mwombe, msije mkaingia majaribuni; roho i radhi, lakini mwili ni dhaifu (Math 26:41)

Mlinzi aliye makini anajua anapaswa kukaa chonjo kulinda maeneo dhaifu ambayo adui anaweza kuyatumia na kumuingilia. Miili yetu ina nyufa za udhaifu. Japokuwa udhaifu wa miili haufanani. Udhaifu wako unaweza kuwa sio udhaifu wa wenzako.

Jaribu moja linaweza kuwangukia watu wawili, lakini wakatofautiana kuhisi uzito wake kulingana na maumbile ya kihaiba au historia ya kiroho ya kila mmoja wao. Hivyo jichunguze. Kama kitendo cha kunusa harufu ya sigara, kusikia muziki wa lege, kugusa kiganja cha mpenzi, au kutazama filamu, kinaamsha hisia au kumbukumbu fulani---inayokusukumia uvuke mstari mwekundu, basi tambua hilo haraka na urudi nyuma kwa usalama wako. Mtume Paulo anatoa ushauri huo huo kwa kijana Timotheo, akimwambia, “zikimbie tamaa za ujanani” (2Tim 2:22). Na tena tunahimizwa na mtume, “tuweke kando kila mzigo mzito, na dhambi ile ituzingayo kwa upesi” (Waeb 12:1.) Unapotambua udhaifu wako jihadhari nao kwa kutobakia katika mazingira hatarishi kwa usalama wako.
Ni muhimu mno kuzingatia tahadhari hiyo. Bora kuwa mwoga wa kukimbia dhambi inayokuotea mlangoni na ukaishia kuishi siku nyingi kama kunguru, kuliko kuwa jasiri wa kumkaribia chatu na kufa mapema kipumbafu kabla ya siku zako. Ni salama kutembea katikati ya njia kuu na kufurahia ujana wako kwa kitambo kirefu, kuliko kuchepuka njia za mkato ukaishia kugongwa na nyoka wenye sumu. Afadhali ufahamu udhaifu wako mapema na uchukue hatua za haraka kuudhibiti kabla haujadhulika.

Lakini unaweza kuuliza nitafahamuje udhaifu wangu? Iweje nyani aone sehemu yake ya nyuma? Ni kweli mwanadamu huwa ana macho ya kutambua madhaifu ya wengine lakini si yake. Lakini unaweza kuomba msaada wa Mungu kama alivyoomba Yeremia, .

Kwa msaada wa Mungu jaribu kujihoji. Hivi ninajaribiwa kwa lipi? (kumtilia mashaka Mungu, kupoteza hamu na dini, kukosa uaminifu kwa rafiki, kusahau wazazi, kujifurahisha kinyume na maadili?). Tena jiulize, ninahisi kuzidiwa na nguvu ya ushawishi nikiwa wapi? Nikiwa na wenzangu—kwenye party? Au nikiwa mwenyewe faraghani—kwenye internet cafe? Halafu jichunguze, unashindwa kubakia mwadilifu ukiwa na nani? (na rafiki yako, mwanafunzi mwenzako, mzazi wako?). Mwisho, tafuta kujua unakutwa ukiwa katika hali gani unapoangushwa majaribuni? (Ukiwa una uchovu au msongo au upweke, ukiwa una muda mwingi, wikendi, huna la kufanya?). Usitulia kujihoji mpaka umeridhika umejitambua.

Tambua nyufa hatarishi mapema zinazohatarisha uadilifu wako na uzizibe mapema kabla jaribu halijakudhalilisha kukudhalilisha mbele ya Mungu na machoni pa watu.

2.   Fikiri madhara yanayoweza kukupata kwa kukubali ushawishi

 Je! Mtu aweza kukanyaga makaa ya moto, Na nyayo zake zisiungue? (Mith 6:28)

Ni ngumu kufikiria madhara ya kishawishika Mjaribu anapokujia na ahadi nyingi. Anakwambia, kula tunda hili nawe utafanana na Mungu. Kunywa kidogo nawe utasahau misongo ya umaskini wako. Achia breki za uaminifu nawe ujimwage katika anasa. Ni hapo baadaye tu, baada ya kuridhia, ndipo unapojiuliza, 'nimefanya nini?' Uzuri wa moto ni pale ukiwa mbali.

Lakini shetani alivyo mbaya hatataka tuuote kwa mbali na kuufurahia. Atatuletea tuukanyage na tudhurike. Sasa anapokukaribia tena na vishawishi vyake Jiulize bila haraka na wala kuchelewa, 'yatanipata yapi nikiukaribia moto?' Nikiukanyaga moto huu sitadhurika? Nina kinga gani kudanganya bila kupoteza rafiki, kuvuta sigara bila kupata saratani, kuiba bila ya kukamatwa, kulala na kahaba bila kuunganika naye kisaikolojia na kihisia? Unapoyakodolea madhara ya moto uwakao kwa macho yote, haraka miale yake ya kukuvutia uikaribie inapoteza uwezo wake wa ushawishi.

3.   Jitambue wewe ni nani na amua maishani mwako la muhimu ni lipi

Kwa imani Musa alipokuwa mtu mzima, akakataa kuitwa mwana wa binti Farao; akaona ni afadhali kupata mateso pamoja na watu wa Mungu kuliko kujifurahisha katika dhambi kwa kitambo. (Waeb 11:24,25)

Dalili ya kuwa mtu mzima ni kujua wewe ni nani na lipi la muhimu katika maisha yako. Musa alipoingia tu utu uzima aljiitambua yeye ni nani. Kwa kujitambua kama mtoto wa Mungu na si wa farao aliweza kuzikimbia anasa za ikulu na kukimbilia mateso pamoja na watu wa Mungu. Upepo wa majaribu hauna nguvu kwa mtu anayejitambua na aliye na vipaumbele  anayoyathamini maishani kabla ya vingine.

Fahamu mapema lipi linatangulia kwanza katika umuhimu kabla ya mengine. Masomo au mapenzi, affair au familia, anasa au wajibu? Bila kufanya hivyo utaishia kuwa kama mashua isiyo na dira, ukichukuliwa popote upepo wa mitindo, misisimuko, na marafiki utakapokupeleka.

4.   Ombea wokovu dhidi ya majaribu yanayokukabiri 

Ombeni kwamba msiingie majaribuni (Luk 22:40). Basi ninyi salini hivi; Baba yetu uliye mbinguni,….usitutie majaribuni, lakini utuokoe na yule mwovu. (Mat. 6:9,13)

Ombi la kupokea nguvu ya kustahimili majaribu ni ombi ambalo Mungu anatamani kulijibu. Ndiyo maana Yesu alituwekea ombi hiilo mdomoni mwetu akitutaka kila tusalipo tulitaje ili tupokee wokovu. Na Yesu kwa kusema hivyo alijua kuwa, “Mungu ni mwaminifu; ambaye hatawaacha mjaribiwe kupita mwezavyo; lakini pamoja na lile jaribu atafanya na mlango wa kutokea, ili mweze kustahimili.” (1 Kor 10:13). Na kwa kuwa Mungu anataka kukusaidia katika mapambano yako dhidi ya majaribu, unapaswa uombe. Lakini, omba ipi inayofika masikioni mwa Mungu?

Omba kwa bidii. Usimwombe Mungu kwa kujaribu. Usim-beep ikiwa kama unashida naye ya dhati. Omba kama Eliya alivyoomba kwa bidii mvua iliyozuiliwa miaka mitatu inyeshe (Yak 5:17; 1Waf 17). Mungu anataka kujua kama unamaanisha unachokiomba. Ukionesha bidii kwamba unajali kupokea wokovu wake hakika utajibiwa. Maana, “Kuomba kwake mwenye haki kwafaa sana, akiomba kwa bidii.” (Yak 5:16)

Pia omba kwa imani. Usiomwombe Baba Mungu kama watoto wa mitaani wanavyoomba msaada kwa Wapita-njia. Tena, usiombe kama manabii wa kishenzi (wa mungu Baali) wanaoomba wakijitaabisha ili mungu wao aguswe na huruma na kuwaokoa (1 Waf 17). Ombea wokovu  dhidi ya majaribu kama mwana wa nyumbani anayetarajia kupokea zawadi njema kutoka kwa Baba anayejali (Luk 18:7). Omba bila mashaka. Omba kwamba mapenzi ya Baba yatimizwe kwako; ukiamini kuwa, “katika mambo yote Mungu hufanya kazi pamoja na wale wampendao katika kuwapatia mema, yaani, wale walioitwa kwa kusudi lake” (War 8:28).  Nawe kwa imani hiyo utaona mlima wa majaribu uking’oka mbele yako na kuzama katika bahari ya kusahaulika (Mar 11:23) 

5.   Sifia wema na uwezo wa Mungu kwa nyimbo na pambio 

Mtu wa kwenu amepatikana na mabaya? Na aombe. Ana moyo wa kuchangamka? Na aimbe zaburi. (Yak 5:13; linganisha na Kol 3:16; Efe 5:19)
Zaidi ya kuomba kwa imani, unapopatikana na changamoto, changamka katika sifa. Vaa uchangamfu wa Yehoshafati umshinde adui yako (2Nyak 20:20,21). Imba nyimbo za ushindi  ukaribisha ushindi. Imba nyimbo za Paulo na Sila uuone wokovu wa Bwana kwa kishindo na tetemeko (Matendo 16:23-29). Kamwe Mungu hatabakia kwenye kiti chake cha enzi ametulia, anawaangalia wanawe pasipo kufanya kitu—wanawe wanaosifia Mungu wao masikioni mwa adui zao. Kamwe, Mungu hatawaangusha watu wake wanaoshikiria imani yao kwake hata kwa kumuimbia. Na kama wataanguka chini, siku ya tatu atawanyanyua toka mavumbini; maana, hawastahili kuwepo hapo chini. Ita ushindi kwa nyimbo za sifa na shukurani, “Mungu na ashukuriwe atupaye kushinda kwa Bwana wetu Yesu Kristo.” (1Kor 15:57)

Mpinge Mbaya wa roho yako kwa kusifia uaminifu na uwezo wa Mungu. Jaribu kufanya hivyo kama ujashuhudia Ibilisi akikugeuzia mgongo na kutimka mbio. Unapolalamikia ugumu wa masomo, wa kuacha pombe au sigara; unapolia kwa ukosefu wa ajira, uonevu wa mfumo; unapolaani unafiki wa waumini au uovu wa wasioamini, unaburudisha masikio ya nani kama sio ya adui wa roho yako? Manunguniko ni mziki mtamu masikioni mwa Nyoka wa zamani, Ibilisi na Shetani. Adui anapata nguvu ya kukuudhi anapoona mashambulizi yake yanafikikia lengo lake. Lengo lake nikukuliza tu. Mwachie Shetani ashindwe. Mnyime Shetani starehe ya kukuona ukiwa na uso uliokunjamana. Vaa tabasamu umuadhibu adui yako anayekughasi na umfurahishe Rafiki anayekutetea.

UBARIKIWE!!!!

Serikali kupitia wakala wake wa ujenzi nchini (TBA) imetoa msaada wa nyumba kwa askari polisi waliounguliwa nyumba zao hapo jana, mpaka pale watakapopata makazi rasmi.

Taarifa hiyo imetolewa na Kamanda wa Polisi mkoa wa Arusha Charles Mkumbo , ambapo amesema  baada ya ajali hiyo askari hao walikosa mahali pakuishi, hivyo wanaishukuru TBA kwa msaada huo.

“Ule moto umeteketeza kila kitu kabisa, hivyo wale askari hawakuwa na sehemu ya kuishi, jana tuliwahifadhi kwenye bwalo letu la polisi, lakini leo wamepatiwa msaada na wakala wa ujenzi wa serikali (TBA ), wamepewa nyumba za kuishi kwa muda hadi pale watakapopatiwa makazi rasmi, tunashukuru kwa hilo”, amesema Kamanda Mkumbo.

Tukio la kuteketea kwa nyumba hizo limetokea usiku wa Septemba 27 mwaka huu  majira ya saa mbili na kuteketeza nyumba hizo, lakini jeshi la zimamoto liliwahi eneo la tukio na kutoa msaada kwa wananchi ambao walianza kuzima.

Takribani familia 13 zenye jumla ya watu 44 za Polisi zimekosa makazi baada ya nyumba walizokuwa wakiishi kuteketea kwa moto jana usiku majira ya saa moja.

Nyumba hizo wanazoishi polisi zilizopo katika kata ya Sekei Jijini Arusha zimeeketea kwa moto na chanzo cha ajali hiyo kutajwa kuwa ni hitilafu ya umeme.

Mkuu wa Kikosi cha Zimamoto na Uokoaji mkoani Arusha, Andrew Komba alieleza kuwa kama siyo taarifa kuchelewa kulifika jeshi la zima moto, basi huenda wangeweza kuokoa mali nyingi zaidi.

“Tungefika mapema nusu ya nyumba zilizoteketea tungeziokoa,” amesema Komba.

Aidha Mkuu wa Mkoa wa Arusha, Mrisho Gambo ambaye naye alifika katika eneo la tukio alilipongeza Jeshi la zima moto kwa juhudi kubwa walizozifanya kuuzima moto huo na kuokoa maisha ya watu pamoja na mali.

“Kuna Nyumba za watumishi wetu askari zimepata ajali ya kuungua moto. Nichukue fursa hii kuwapongeza jeshi la zima moto kwa juhudi kubwa ya kuhakikisha kuwa wamezima moto huu. Takribani familia 13 zimeathirika kutokana na ajali hii ambazo zina watu kama 44….. Taarifa za awali zinaeleza kuwa ajali hii imetokana na hitilafu ya umeme..,” alisema RC Gambo.

Naye Kamanda wa Polisi Mkoa wa Arusha, Charles Mkumbo amesema kuwa  tukio hilo ni janga, hivyo watakaa kuona ni kwa namna gani watawasaidia walioathiriwa.

Askari Polisi Stephen Mungai Kinuthia wa jimbo la Nakuru nchini Kenya, amemuuwa mkewe kwa kumpiga risasi kichwani na kisha kujiua mwenyewe mbele ya mtoto wao ambaye alishuhudia tukio zima.

Kinuthia ambaye alikuwa skari polisi wa kituo cha Molo, amempiga risasi mpenzi wake huyo mara tatu kwa kutumia bunduki ya AK47 wakiwa nyumbani kwao.

Shuhuda wa tukio hilo ambaye ni mlinzi wa eneo hilo amesema walisikia kelele za watu wakilumbana, na walipokuwa wakikimbilia kujua kulikoni walisikia milio ya risasi na kisha kukawa na ukimya.

Majirani wa eneo hilo wamesema walisikia kelele za mtoto akilia kwa sauti huku akisema baba anamuuwa mama.

OCPD wa Nakuru Joshua Omukatta amesema wanaendelea na uchunguzi wa tukio hilo, huku miili ya marehemu wote ikiwa imepelekwa katika hospitali ya serikali ya Nakuru.

Mamlaka ya Usafiri wa Anga (TCAA) yafanya mkutano na waandishi wa habari kuwaalika wadau wake katika kongamano litakalofanyika Siku mbili kesho na kesho kutwa katika ukumbi wa Julius Nyerere Convention Centre ambapo Waziri Prof Makame Mbarawa atakuwa mgeni rasmi.
Mada zitakazojadiliwa kongamano(TCAA)ni pamoja na uhaba wa wataalam wa usafiri wa anga, kuufanya uwanja wa ndege wa mwl Nyerere kuwa njia panda (Hub), Mada zingine ni pamoja na matumizi na udhibiti wa ndege zisizo na rubani (drones) na uwekezaji mbadala katika viwanja vya ndege. 

Elizabeth II, Malkia wa Uingereza, hapa katika mji wa Plymouth, mwezi Machi mwaka 2015.

Malkia Elizabeth II, ambaye anaadhimisha miaka 91 Ijumaa hii Aprili 21, ameagiza wajumbe wengine kutoka familia yake ya kifalme kumuwakilisha katika mamlaka yake mengine. Lakini afya ya kiongozi huyo kongwe nchini Uingereza inaendelea kuzorota.

Kama kila mwaka, siku ya kuzaliwa ya Malkia, itasheherekewa huku mizinga 41 ikipigwa katika Hyde Park na mingie 62 katika mnara wa London.

Malkia Elizabeth II ambaye alizaliwa Aprili 21, 1926, huwa akisherehekea siku yake ya kuzaliwa katika hatua mbili: katika tarehe ambayo alizaliwa, na katika sherehe rasmi ya mwezi Juni, kulingana na mila za kale na lengo la kuepuka machafuko ya hali ya hewa .

"Bado niko hai," alisema Malkia miezi miwili iliyopita wakati wa ziara yake nchini Ireland ya Kaskazini.

Itafahamika kwamba Malkia Elizabeth II ametimiza miaka 65 akiwa kiti cha enzi nchini Uingereza.

MAHAKAMA ya Hakimu Mkazi Kisutu, jijini Dar es Salaam, imetoa hati ya kukamatwa Msanii Agnes Gerald Waya maarufu kama Masogange (28), baada ya kushindwa kufika mahakamani  kwa mara ya pili kesi yake ilipopangwa kutajwa.

Hakimu Mkazi Mkuu wa mahakama hiyo, Wilbroad Mashauri ametoa amri hiyo baada ya upande wa Jamhuri kudai kuwa kesi hiyo ilipangwa kutajwa lakini mshtakiwa, wadhamini na wakili wa utetezi wote hawakuwepo mahakamani.

Wakili wa Serikali Adolf Nkini alidai kuwa kesi hiyo ilipangwa kutajwa lakini kwa sababu mshtakiwa na wadhamini wake hawakuwepo mahakamani kwa mara ya pili, aliomba hati ya kukamatwa mshtakiwa.

Hakimu alisema kwa sababu mara mbili mfululizo mshtakiwa ameshindwa kufika mahakamani kusikiliza kesi yake bila taarifa mahakama yake inatoa hati ya kukamatwa kwake.

Masogange anakabiliwa na mashtaka mawili ya kutumia dawa za kulevya aina ya Heroin na Oxazepam.

Katika kesi hiyo namba 77 ya mwaka 2017, Masogange anadaiwa kuwa kati ya Februari 7 na 14,2017 katika maeneo yasiyojulikana ndani ya jiji la Dar es Salaam alitumia dawa za kulevya aina ya Heroin (Diacety Imophine).

MWENYEKITI wa Bodi ya Parole, Agustino Mrema, amemwomba Rais John Magufuli amruhusu kutoa wafungwa wenye sifa ya kupata msamaha kutoka bodi hiyo ili wamsadie kufichua majambazi wanaopora na kuua Polisi.

Pia alisema ana imani majambazi wengi wanaoendesha matukio ya uhalifu wametokea magerezani au watakuwa na uhusiano na wafungwa.

Mrema alitoa ombi hilo baada ya kumalizika kwa msiba wa ndugu yake kijijini kwake Kiraracha Marangu mkoani Kilimanjaro.

Alisema kuwa ipo kampeni mbaya ya kumchafua Rais Magufuli katika utawala wake unaofanywa na wahalifu.

"Kwa uzoefu nilionao kuna kampeni chafu ya kumchafua Rais Magufuli ili nchi isitawalike kwamba hata majambazi wanaweza kuua askari hivyo kuna kila haja ya kuwashirikisha wafungwa katika tukio hili ili watisaidie kufichua,"alisema.

Aliongeza kuwa watu wabaya wasioridhika na uongozi wa Rais Magufuli wanafanya kila mbinu kwa ajili ya kumchafua ikiwemo kufadhili vikundi vya uhalifu vinavyohatarisha amani ya nchi.

Mrema alisema ili kukomesha matukio hayo ni vema Rais akaruhusu bodi yake iwakamate na kuwapunguza wafungwa magerezani hasa wale wenye makosa ya kushindwa kulipa faini ili waweze kufichua wanaohusika na uhalifu huo.

Pia alimtaka Rais kuthibiti watu wanaoleta chokochoko za maneno dhidi yake wachukuliwe hatua kwani wameonesha dhahiri hawapendeziwi na utawala wake kwani ndiyo pia wamekuwa wakifadhili matukio hayo.

Mrema alimpongeza Rais Magufuli kwa kumchagua kuwa mwenyekiti wa bodi hiyo kwani amejipanga kumsaidia kwa nguvu zote bila kujali maslahi binafsi na hadi sasa amekuwa hazifanya kazi hizo bila malipo yoyote na hana mpango wa kumdai isipokuwa atakapoona umuhimu wa kumlipa upo.

Matatizo ya Bongo movies hayajaletwa na kuuzwa kwa filamu za nje nchini hili hata mtoto mdogo anafahamu. Yalianza kumea taratibu mpaka sasa ndio yamefikia kilele chake. Tunalaumu filamu za nje kutokana tu tu na tabia yetu watanzania ya kujificha nyuma ya ukweli. Nchini Korea kabla ya mwaka 2006 hali ya filamu zao ilikuwa dhofu lihali lakini hawakuchukua hatua ya kuzuia filamu za marekani bali walikaa chini na kumtafuta mchawi wakaweka mipango ya muda mrefu wakafanikiwa. 

Bongo movie mchawi wenu ni mambo makuu matano. 
1.Elimu, Mipango na Malengo (self awareness, planning and goals) 
2.Maudhui (contents) 
3.uzalishaji (production) 
4.Masoko (Marketing) 
5.Wasanii (actors &actress)

1. Elimu,Mipango na malengo. 
Ukifuatilia wasanii na directors wakubwa duniani waliofanikiwa sana kupitia filamu utagundua wana elimu kubwa sana hadi za vyuo vikuu vya sanaa. Bongo movies wamekosa elimu kabisa. Wanafanya mambo kienyeji enyeji tu. Cha kufanya Sasa hawawezi kurudi shule lakini wanaweza kutafuta watu waliosoma na has a wenzetu wazungu waliofanikiwa tayari wakawasaidia kufika wanapotaka hapa nazungumzia directors na the whole proctuction team. Iteni mkutano watafuteni kina Ernest Napoleon, Tafuteni wale directors wazungu wa Siri ya mtungi kaeni chini tafuteni njia ya kutoka. 

2. Maudhui hapa naomba niseme mnafeli sana. Story ndio moyo wa filamu. Tuna watunzi wazuri sana wa hadithi na riwaya nchini. Kina Hussein Tuwa, erick shigongo, Shaffih Adamu shaffi, na wengineo lakini sidhani kama kuna msanii au kampuni ya bongo iliwahi kuwafuata na kutaka kufanya kazi nao. Tunataka kuenda kienyeji enyeji. Utasikia Ray au JB anakwambia story nimetunga Mimi blah, blah, blah, tangu lini we ukawa writer?? Ndio maana tunapata story zile zile zinazoboa na kuchosha. 

3. Uzalishaji. Piga ua lazima kutumia gharama na muda na teknojia katika production kama unataka kufika mbali. Vifaa vya kisasa,teknolojia ya computer n.k . Bongo flavor walikubali na kutoka nje ya nchi kufanya production na watu wanaojua kazi.Nendeni nje ya nchi tafuteni producers wenye vifaa,elimu, na kujua kutumia teknolojia vizuri muwalete nchini tafuteni watunzi bora tumieni mazingira mazuri ya Tanzania tengenezeni vitu vizur mafanikio yatakuja. Siri ya mtungi ilifanyiwa production na wenzetu wazungu, itafuteni mfananishe na uchafu wenu wa part one na part two. 

4. Masoko. Naomba niwaambieni dunia ya sasa msanii huwezi tegemea CD na kufanikiwa inaonesha jinsi gani hamfikirii kabisa. Hivi ukizuia machinga kuuza filamu za nje? Utamzuai kuburn na kuduplicate copy ya hizo cd zako? 
Filamu sasa soko lake kubwa ni cable channels (kama Netflix) na Movie Theatre. kama we ni bongo movie unasoma hapa tafuta Netflix ni nini ujifunze. 
Mlivyokaa na mkuu wa mkoa nilitegemea mtamwomba Bongo movie Theatres. Imagine kuna bongo Movies Theatres majiji tote makubwa nchini pamoja na miji mikubwa nchi jirani kama Nairobi, Kampala, Kigali n.k Then inaoneshwa filamu ya bongo yenye viwango vya kimataifa inaoneshwa huko. Mmeshajiuliza mtapiga mkwacha kiasi gani? Niliwahi kuwa na mzungu mmoja kila Siku anataka nimpeleke Movie Theatre ya filamu za kibongo lakini hamna. Kiswahili ni fursa kubwa ya Bongo movie kukitumia kupiga hela. 

5. Wasanii. 
Wasanii wa nchi hii ni tatizo kubwa na wana njaa iliyopitiliza. Mnafuata nini kwenye siasa nyie, hivi mnajua mna mashabiki wa vyama vyote. Unapovaa nguo za chama Fulani unajiulizaga umepoteza wateja milioni ngapi kutoka chama kingine?. Umewahi kumuona denzel Washington au will Smith amevaa nguo za chama? Acheni njaa. 
Wewe kama msanii mwonekano wako ndio office yako unajitunza vipi. Mnakula mnajisahau mnanenepeana hovyo. Unaangalia bongo movie ni vitambi tuu vimejaa alafu mnalalamika movie za nje zinawaharibia soko. Jitambueni.

Source - Time Treveller