WAREMBO
30 wanaowania taji la Redds Miss Tanzania 2012 usiku wa leo katika
Hotel ya Girraffe Ocean View watachuana vikali kuwania taji la Miss
Talent 2012 ambapo mshindi pia atapata tiketi ya kuingia moja kwa moja
katika nusu fainali ya shindano la Miss Tanzania 2012.
Akizungumzia
maandalizi ya shindano hilo la tatu kufanyika ndani ya Miss Tanzania
2012, Mkuu wa Itifaki wa Kamati ya Miss Tanzania, Albert Makoye amesema
wanataraji mchuano mkali hasa kutokjana na warembo wengi kuwa na vipaji.
“Maandalizi
yote yamekamilika na tunawakaribisha wakazi wa jiji la Dar es Salaam
kuja kushuhudia vipaji vya warembo mwaka huu na maandalizi
yamekamilika,” alisema Makoye.
Ushindani
mkali unataraji kuwepo kwa baadhi ya warembo ambao tayari wamekuwa
wakionesha vipaji vyao mara kwa mara jambo ambalo linaleta changamoto
kubwa kwa majaji wataakao ongoza shindano hilo.
Baadhi
ya warembo ambao leo hii wanataraji kushindana vikali kuwania taji hilo
ni Mrembo kutoka Kanda ya Ziwa, Babylove Kalala ambaye anautaalam wa
hali ya juu ya kucheza ngoma za asili sambamba na kutumia nyoka katika
uchezaji huo wa Ngoma.
Irine
Veda kutoka Kanda ya Mashariki tangu mashindano ya Kanda amekuwa
mataalam na mwenye kipaji kikubwa cha kupuliza Saxophone “Mdomo wa Bata”
huku mrembo kutoka Kanda ya Ilala, Noela Michael na Zuwena Nasib kutoka
Chuokuu Huria wakiwa na kipaji cha uimbaji wa hali ya juu pamoja na
warembo mbalimbali ambao pia watashiriki shindano hilo kwa kucheza
mziki na kuimba.
Taji la Miss Talent 2011 linashikiliwa na Mrembo Rose Albert kutoka Kanda ya Kaskazini.
Mshindi
wa Shindano la Talent ataungana na warembo wengine watatu ambao tayari
wameshapata tiketi ya kuingia Nusu Fainali ya Redds Miss Tanzania 2012,
ambao ni Lucy Stephan (Redd's Miss Photogenic),Mary Chizi (Redd's
Miss Tanzania Sports Lady) pamoja na Magdalena Roy (Redd's Miss Tanzania
Top Model).
Fainali za Redds Miss Tanazania 2012 zitafanyika katika ukumbi wa Ubungo Plaza jijini Dar es Salaam, Novemba 3 mwaka huu.
No comments:
Post a Comment