Drake Anavyotesa Katika Chati Za Muziki Za Billboard Hivi Sasa

Rapper Drake, mzaliwa wa Toronto,Canada hivi sasa anaelea kwenye mafanikio makubwa ya muziki. Tangu kutoa album ya VIEWS sio tu amefanikiwa kuingia katika orodha ya wanamuziki 5 wa hip-hop matajiri (kwa mujibu wa Jarida La Forbes) bali pia album yake hiyo hivi sasa inashika nafasi ya kwanza katika chati zote za Billboard.

Hivi sasa album hiyo inashika nafasi ya kwanza miongoni mwa album 200 kwa wiki ya nne sasa. Single yake ya Once Dance inashika nafasi ya kwanza kati ya single 100 na yeye mwenyewe Drake anashikilia namba moja kati ya wasanii 100.

Single yake hiyo ya One Dance pia inashikilia nafasi ya kwanza miongoni mwa nyimbo zilizoombwa na kuchezwa zaidi redioni. Pia inashika nafasi ya kwanza katika nyimbo za R&B/Hip-Hop, nyimbo za digitali R&B/Hip-Hop Digital, Nyimbo bora za R&B , R&B Streaming  na Rhythmic. Album yaVIEWS inashika nafasi ya kwanza katika chati kwa upande wa Rap.